احداث عشتها
هلا ومرحبا،،
من السبت الماضي وانا هالك عمري عشان عندي امتحان يوم الثلاثاء 102 كمي وكان ولله الحمد سهل...ولكن ماتلاحظون انه عندنا طلاب يحاولون دائما ينسبون فشلهم على الدكتور او على طريقة الجامعه ككل بصراحه اتضايق اذا شفت واحد مهمل لأبعد درجه وآخرتها يحاول انه يرمي خطئه على طريقة الدكتور او على طريقة الكتاب... فيه عندي صديق من اول مادخلت انا وياه للجامعه وهو دائما يذم التعليم الجامعي عندنا هنا قد يكون معه حق في بعض الجوانب لكن في الأخير هو طالب جامعي ولازم يصقل شخصيته ويحاول انه يتكيف مع الوضع عشان يقدر يجابه الموقف.....فيه كلمة دايما يقولها لنا دكتور الاقتصاد الا وهي:اننا شباب اذكياء لكن ينقصنا دائما البحث عن المعلومه وتطوير الذات ،، ومعه كل الحق في ذلك فالاستسلام لن يفيدنا بشيء في منتصف الطريق الجامعي بل سيؤدي الى هدم خططك المستقبليه.......
=======================
يوم الأربعاء اللي مضى داومت الصباح ورجعت ونمت شوي وكان عندي محاضره من 4-5 طلعت من الكليه وبعدها توجهت لاستاد الملك فهد لحضور حفل اعتزال اللاعب (يوسف النثيان) رحت انا ومجموعه من الأصدقاء العزيزين على قلبي كان واحد مننا مجهز ترتيبات الروحه راح واشترى التذاكر قبل بيومين....كان جو رائع واحتفال مميز تميز فيه الهلال بمستواه وبتشريف يوسف الثنيان للحفل كانت ليله رائعه ولكن اللي ضيق صدري هو ترك يوسف الثنيان للكره....بالتوفيق له في حياته ان شاء الله...
=======================
posted by ~Falcon~ @ 1:14 PM
3 comments
3 Comments:
من جد هالثنيان مهم عشان اروح احضر له بالملعب بعد المحاضرااات
مافيه احلى من النوم بعد المحاضره والله
:)
في الحقيقه كانت مباراة حلوه وممتعه والنوم لاحقين عليه ان شاء الله
:)
انا معاك بأول نقطة
مثل وحدة كانت معاي بالجامعة
على طول متذمرة وتتشكى من طريقة التعليم..وكل يوم تقول بسحب اوراقي واطلع..ليش نحط أخطاءنا على غيرنا..كل واحد بيده يجتهد ويطور نفسه خصوصاً بمرحلة الجامعة
:)
Post a Comment
<< Home